Элӗк районӗ, — Чӑваш Енӗн хӗвеланӑҫ енӗнче вырнаҫнӑ район. Район ҫурҫӗр енче Муркашпа Етӗрне районӗсемпе, хӗвеланӑҫ енче Хӗрлӗ Чутай районӗпе, кӑнтӑр енче Ҫӗмӗрлепе Вӑрнар районӗсемпе, хӗвелтухӑҫ енче Красноармейски районӗпе юнашар вырнаҫнӑ. Ҫурҫӗртен кӑнтӑралла район 18 ҫухрӑма тӑсӑлать, хӗвеланӑҫ енчен хӗвелтухӑҫ енне — 25 ҫухрӑма. Пӗтӗмӗшле лаптӑкӗ — 554,1 км2. Район администрацийӗ Шупашкартан 67 ҫухрӑмра ларакан Элӗк ялӗнче вырнаҫнӑ.

Ҫутҫанталӑк

Ҫӗр айӗнчи пуянлӑхсем районта ҫуккипе пӗрех. Кирпӗч тумашкӑн суглиноксем кӑлараҫҫӗ, тата карбонатлӑ породӑсем хӑш пӗр ҫӗртре тупма пулать.

Район климачӗ вӑтам континенталлӑ. Хӗлсем вӑрӑм та сивӗ, ҫусем ӑшӑ. Вӑтам температура хӗлле -12,9°C тан, ҫулла — 18,3°C. Чи сивӗ палӑртнӑ температура -44°C, чи ӑшши — 37°C.

Сӑнсем

Хуравар пӗви	Витеҫуч патӗнчи вӑрман	Кӗҫӗн Тӑван ялӗ

Ял тӑрӑхӗсем

Элӗк районӗ пурӗ 12 ял тӑрӑхӗнчен тӑрать:

• Ехремкасси ял тӑрӑхӗ
• Йӑлкӑш ял тӑрӑхӗ
• Крымзарайкӑ ял тӑрӑхӗ
• Мӑн Выла ял тӑрӑхӗ
• Тавӑт ял тӑрӑхӗ
• Тени ял тӑрӑхӗ
• Ураскилт ял тӑрӑхӗ
• Утаркасси ял тӑрӑхӗ
• Чӑваш Сурӑм ял тӑрӑхӗ
• Шӗмшевӗш ял тӑрӑхӗ
• Элӗк ял тӑрӑхӗ
• Юнтапа ял тӑрӑхӗ

Халӑх

1999 ҫулхи кӑрлач 1 валли районта 22,1 пин ҫын пурӑннӑ. Халӑх плотноҫӗ — 42,5 ҫын пӗр 1км2 ҫине. Ял халӑхӗ 177 ялта пурӑнать, вӗсенче вӑтамран 205 ҫын. Ытларах пайӗпе чӑвашсем (98%) пурӑнаҫҫӗ.

Ҫавӑн пекех пӑхӑр

• Элӗк районӗн ялӗсем алфавит тӑрӑх
• Элӗк районӗн ялӗсем ял тӑрӑхӗсем тӗрӑх
• Район хыпарӗсем